Participa

Para que unha entidade teña a condición de asociado deberá figurar na lista de fundadores ou ben, unha vez constituída a asociación, solicitar o ingreso mediante un escrito dirixido ao presidente no que manifeste a vontade expresa de adherirse á asociación e de comprometerse coa consecución dos fins estatutarios. Debe xuntar, ademais, un acordo do órgano competente da entidade que exprese a vontade de ser asociado e a persoa, titular e suplente, que a representará na asociación.
Cubo 3D animado, flotando y girando, con seis imágenes independientes.

Asociarse

Para adquirir a condición de asociado haberá que presentar unha solicitude de ingreso, que pode descargar na parte inferior, xunto coa seguinte documentación:

  • Acordo do órgano competente da entidade que exprese a vontade de ser asociado
  • Acordo do órgano competente nomeando as persoas representantes da asociación: Titular e Suplente.
  • Copia dos Estatutos
  • Copia da Acta de Constitución e  acreditación rexistro de asociacións
  • Copia do C.I.F. da entidade e do N.I.F. dos representantes (Titular e Suplente)
  • Acreditación dun ano de actividade no territorio


Cando un candidato a ser asociado non teña o seu domicilio social no ámbito de actuación desta asociación deberá demostrar que desenvolve unha actividade relevante e consolidada no tempo en dito ámbito territorial.

Cando unha entidade solicite a entrada no GDR deberá acreditar un ano de actividade no ámbito territorial da asociación.

O presidente trasladará a solicitude á xunta directiva, que deberá resolver, adscribindo á solicitante a unha das mesas sectoriais, segundo o seu interese preferente.

Contra o acordo denegatorio da admisión o solicitante poderá recorrer ante a primeira asemblea xeral que teña lugar, debendo figurar este asunto expresamente na orde do día correspondente.

Documentos asociados:

Modelo de adhesión como socio do GDR.

Impreso de delegación de voto en Asamblea Xeral

Estatutos GDR Pontevedra Morrazo (2834 Kb

Dereitos e obrigas coma Socio do GDR Pontevedra – Morrazo

Dereitos dos asociados.

    Os asociados teñen os seguintes dereitos:

    • Elixir e ser elixidos para formar parte da xunta directiva e doutros órganos que se poidan crear.
    • Participar con voz e con voto na asemblea xeral.
    • Obter información sobre calquera aspecto da marcha da asociación que lle poda resultar de interese.
    • Os demais que resulten das normas legais e dos estatutos da asociación, ou dos acordos validamente adoptados polos seus órganos sociais.
    • Participar nas actividades da asociación.
    • Ser oídos con carácter previo á adopción de medidas disciplinarias contra eles e ser informados dos feitos que dean lugar a tales medidas.
    • Impugnar os acordos dos órganos da asociación que estimen contrarios á lei ou aos estatutos.

    Para poder participar na asemblea xeral e nas actividades da asociación será necesario estar ao corrente no pagamento das cotas.

    Obrigas dos asociados.

      Son obrigas dos asociados:

      • Satisfacer a cota de entrada e a de mantemento se esta estivese fixada.
      • Asistir ás asembleas xerais e acatar os estatutos e os acordos validamente adoptados polos órganos sociais.
      • Ocupar os cargos para os que resulten elixidos e desempeñar fielmente as obrigas inherentes a ditos cargos.
      • Participar e realizar cantas tarefas lles sexan encomendadas pola asemblea xeral, a xunta directiva, as mesas sectoriais das que formen parte ou outros órganos que se creen.
      • Ausentarse nos debates e votacións sobre asuntos nos que teñan interese directo por motivos de titularidade, económicos ou societarios, de parentesco até o terceiro grao de consanguinidade, afinidade ou adopción, ou de amizade íntima ou inimizade manifesta.
      • Fomentar os obxectivos que promove a asociación.
      • Cumprir os demais deberes que resulten dos preceptos legais e estatutarios ou dos acordos validamente adoptados polos órganos sociais.

      Caixa de Suxestións:

      O GDR Pontevedra Morrazo solicita o seu consentimento para prestarlle o servizo solicitado e responder ás cuestións formuladas. A lexitimación ten como base xurídica o consentimento do interesado para os fins expresados. Os datos non se cederán a terceiros agás nos casos nos que exista unha obriga legal. En todo caso, os datos que nos facilites están situados en servidores cuxa sede se atopa dentro do territorio da UE ou xestionados por Encargados do Tratamento acollidos ao acordo “Privacy Shield”. Tes dereito a acceder, rectificar e suprimir os datos, así como outros dereitos, tal e como se explica na información adicional. Se non facilitas os datos solicitados como obrigatorios, isto pode ter como consecuencia non poder cumprir coa finalidade para a que se solicitan.